EUSKARAREN EGUNA

Urtero bezala, eta Irurtzunen antolatzen diren Euskal Ekitaldiekin batera, eskolan ere euskararen eguna ospatuko dugu abenduaren 2an, asteazkenean. Helburu nagusia gure hizkuntza kalera ateratzea izango da, herria euskaraz bustitzea. Hori lortzeko, aurtengo ospakizuna berritasun ugarirekin dator. Goizeko lehen orduetan eskolan egiten diren ohiko ekintzez gain, eguerdi aldera, zikloka banaturik, herriko txokoak euskal kantuz beteko ditugu. Ondoren, herriko plazara hurbilduko gara gure hizkuntza lau haizetara zabalduz eta herriari mezu argia igorriz: txin txin, txin txin euskaraz hitz egin. Aurreko urteetan ospatu izan den jaialdian bezala, gurasoen parte hartzea ikaragarria izango dela aurreikusten dugu. Anima zaitezte, guk euskaraz, zuk zergatik ez? Euskara, euskara, jalgi hadi plazara!

Hona hemen guk abestuko ditugun kantak:

ITSASONTZI BATEN:

TXIN TXIN, EUSKARAZ HITZ EGIN:

TXIN, TXIN, TXIN, TXIN,

EUSKARAZ HITZ EGIN!!

ESKOLAN TA KALEAN, LAGUNAK,

SAIATU  GUREKIN!!

Euskararen eguna

iritsi delarik

elkarrekin abestuz, ospatu

nahi dugu zurekin.

Kalean nahiz etxean

triste edo pozik

bihotzeko taupadak, sentitu

euskarazko hitzekin

TXIN, TXIN, TXIN, TXIN,

EUSKARAZ HITZ EGIN!!

ESKOLAN TA KALEAN, LAGUNAK,

SAIATU   GUREKIN

Agertu gatzaizue

taldeka bildurik

kaleak alaitzeko, abestuz

ez dugu lotsarik.

Txikiak ta handiak

denak elkarturik

ozenki esan diogu, oraintxe

baietz euskarari

TXIN, TXIN, TXIN, TXIN,

EUSKARAZ HITZ EGIN!!

ESKOLAN TA KALEAN, LAGUNAK,

SAIATU,  GUREKIN

Gelan eta etxean

euskaraz solastu

gaur eta egunero, lagunak

euskara aukeratu.

Hitz eta pitz gurekin

ahal duzu aritu

Trialalara, abestu, ozenki

ez geratu mutu.

TXIN, TXIN, TXIN, TXIN,

EUSKARAZ HITZ EGIN!!

ESKOLAN TA KALEAN, LAGUNAK

SAIATU,  GUREKIN!!   (berriz)